|
|
本帖最後由 無名小卒=] 於 18-8-2012 21:42 編輯
Gundam 00Qan[T]
高達00Q
呢個機評一定係字海嫁喇- -
希望大家都可以睇埋佢支持下我XD
前言:
今次係小弟第二次寫機評.
首先講一講用口語定書面語既問題先
其實我覺得兩者都無咩問題
只係我講得用口語可能方便大家去睇,有親切感D
話晒都係遊戲又吾係話好正式既野
我諗都吾洗用書面語掛-___-
不過如果大家鍾意書面語既話我下次機評可以全部用晒
歡迎大家留言同埋送上建議
小弟一定會從中學習汲取經驗力臻完美
講完小小題外話入返正題
今次評既,係幾個月前出既高達00Q
當時幾好彩,係幸蛋200粒就中左
其實就預備左600粒打算抽吾中都可以直接收返部
個人感覺呢部00Q都算強的
雖則武裝吾係話特別出眾,未去到HWS果種屈晒機既境界
但係配合起技能還是十分不錯的
跟手都係例牌野,黎個00Q既簡介先
OO Raiser的後繼機。型號上的『T』是TWIN的意思。為覺醒成純粹種變革者的剎那所開發之專用鋼彈。
搭載的太陽爐是為了其雙動力爐系統而在木星上新開發的。太陽爐裝置在本機體的背後和左肩。
裝備的武裝是從能天使鋼彈上繼續發展的GN劍系列武器為主，格鬥戰與射擊戰都能對應。
GN劍BIT還采用了遠距離操縱攻擊，能對剎那的變革者能力而產生反應來改變模式。
在這一時點上，是只有成為變革者的剎那才能發揮其真正的機體性能。至於會引發出何種現像，連擔任設計的伊恩也無法預測。
恐怕會比OO Raiser產生更為強力、高濃度粒子領域內使用腦量子波實現意識共有，能連接戰鬥空間內人與人的思念。
在這一層意義上，OO量子高達本身作為兵器的同時，也是制止戰爭的機體。
我對動畫無咩認識都無睇過套戲-_- 以上既野都係根據戰紀既資料
其實我有個問題,點解佢係00R既後繼機反而係S機...明明00R係SS級的...
跟住到合成材料
KEY機有 能天使7劍(突裝1),
料就要AS主天(王牌),座天2號機(王牌),同埋正義女神TYPE-F
我覺得D料都幾貴下- -... 一部AS一部A 仲要升到王牌,都幾麻煩下
跟住就去到00Q既6圍喇!
大家可以見到,00Q係R前既6圍比較平均
血亦有15.9,算係比較高了,當然未去到大機水平:)
看上去感覺平平,與一般剪機相差不大
而R後6圍可以看到攻擊力有3點提升的同時防禦力亦下降3點
不過速度上升了1.8,敏亦上升了2.1
可以話R後係進取型@@
以減低防禦換取高攻,配上較高的速敏可以容易追擊敵人,
而佢既推進時間R前係3秒左右,R後足足加左1.5秒,去到4.5左右
就算吾夠打都著得切草XD
六圍之後,就去到武裝喇:)
大家可以見到,R前R後加埋,暫時既00Q有5種武裝
而佢既5種武裝亦都比較全面
包括一把1300系數既刀,都幾順手既~
仲有1400系數既光槍@@
加埋浮遊劍(遲下會講下佢同牛油炮既分別)
R後有一擊倒既格鬥武裝同埋微超視既槍
基本上可以應對所有狀況~
先講下佢既R前1武 (GN劍V)
1300系數其實真係幾高,一般剪既光刀仔都係去到1100-1150系數不等
距離650亦較普通剪既500為高,當然吾夠FAZZ爆甲後既1武威-_-
呢把光刀,都幾順手,刀與刀之間好少間隔,但係吾爆地的
同埋我都吾太建議00Q主玩呢把刀,畢竟佢係剪機,
而且刀又吾係特別長特別大..
吾到必要時刻都吾好亂甘出,如果真係想玩刀不如玩R後果把XD
以下係1武既影片
大家可以見到由第一次斬渣古同埋最後一次空斬見到刀都幾快幾順
而且格推都幾長下:)
不過始終都吾建議大家00Q主格囉~
之後到佢R前2武 (GN劍V步槍模式)
正常光槍既2800距離
但係就有1400既高系數@@
只係比NTD把超視槍少50系數
光槍頗為順手
收槍甘射都好爽下,彈藥算多
玩死亡不成問題,玩常規可能會出現彈缺情況
不過呢把槍就無特效,吾會貫穿
不過都吾太建議主玩呢把槍,因為R後先係亮點
當然R後彈缺可以切換R前,實際要睇當時情況而定
以下係2武既影片
大家可以見到2武都幾順手
以光槍黎講我覺得算好用,傷害有成1300系數:)
去到3武 (GN Sword Bit)
姐係浮遊劍,D人都會叫佢牛油劍@@
總共6把,每把系數約130(其實我吾係太清楚)
不過遲下會改強到每把190
距離就只得3000,比一般浮遊炮近
其實浮遊劍與浮遊炮有D相似
但係浮遊劍有個好處係可以甩出去
因為追甩既關係,較少會似浮遊炮直接撞牆爆炸
同埋浮遊劍係實體,吾會好似一般浮遊炮甘比I力場既機體防到
但係同時P甲既機體可以防到浮遊劍
當然一樣武器吾會十全十美喇~
如果敵人企定定,浮遊劍總共可以打3次
但係如果人地一路飛,分分鐘只係打得2次甚至只係得1次
不過有一樣野要留意
就係浮遊劍一樣會比野撞爆,一樣會比NTD反
同埋當00Q放完浮遊劍就無得切換R後
所以要留意實際情況
吾好一味掛住聽到浮遊劍打落人地度啪啪聲就成場係度放XD
而浮遊劍回彈正正常常,約10秒左右
以下係3武既影片
大家都見到
浮遊劍總共打3次
其實正常係岩岩好打晒就回完,
除非人地好大動作甘飛,如果吾係都好易食晒甘多野~
R前既4武係亂舞必黎,
其實個人感覺00Q既必殺係擺設
除左係259果陣出黎威下,好少話平時有機會出
因為有量子化技能的關係,SP好多時都吾會儲得滿
除非你玩死亡第2命出黎,
否則多數第一命時,就算你SP過2格,
但係都會因為血量低過40%發動左量子化,意味住你求其比人打一下都無左個必
如果你係神到避開晒敵方所有火力,跟住仲要沖到入去,再用亂舞捉得中佢
甘你就用喇:)吾係我都建議大家吾好放XD
以下就係亂舞必既影片
好華麗@@,見到00Q先斬人幾刀,跟住又有粗炮,又要兩把大劍@_@
其實都係好普通既大技,傷害又吾係特別高
講完R前既武裝甘就到R後喇:)
R後1武 (GN劍V爆裂劍模式)
距離650,系數3000
一擊倒既武裝,聽個名都覺得好屈機,好爆@@
範圍頗大,接近前方180度都比佢掃得中
呢把野真係好正,大家想象下當你量子左,跟住係人地背後出返黎再一野落去果陣@@
可以見到敵人條血啪一聲無左一段
自己SP就升左一格
分分鐘爆完人地菊人地部機體都爆埋XD
呢部野攻又得守又得,簡直係攻守兼備
但係要注意敵方既防包機體,
因為一野扑落去,人地吾倒地打返你就大獲~
回彈都係4,5秒左右,真係非常吾錯
而且起手快,收手快,吾似飛踢踢完後會硬直
甘當然系數就吾夠飛踢高既
不過呢個1武同技能配合得好好
接住黎係R後1武既影片
大家見到.如果打落防包度係吾會倒地
所以要注意防包拳,如果你無開量子化就最好吾好埋去扑佢地
吾係實比佢地打返轉頭
大家見到,出果下會向前一個半身位左右
橫向範圍都頗大
防身好岩用
回彈約7秒
配合量子化可以好屈機:)
跟住到R後2武 (GN劍V爆發光束步槍模式)
3100距離,微超視
1650高系數,而且有貫通效果
4發殘彈,算上回彈時間實際連射5槍
不過好多時用到彈缺,所以要切換返去R前
當然如果你果隊有防指或者係不知火果種團體回彈技
就可以長玩R後甘濟~
不過要留意一樣野就係,呢把槍會比防剪防到但係吾會比防包防到
R後2武既影片
大家可以見到支野都幾粗下@@
打得入防包既渣古
而且幾順手下
回彈速度中等,個人吾建議長期R後,因為火力會吾夠的0.0
最後到佢R後既必殺技,
係地圖炮黎
甘個人都吾建議出喇,除非好必要既時刻
再者到左後期40%血開左量子,基本上你都無咩機會儲得滿SP
不過地圖炮總比R前既亂舞好D既:)
以下係地圖炮既影片
都係好普通既地圖炮黎,
傷害都係正正常常吾係好似DX果D甘特別勁
總體而言,00Q既武裝算係全面,
但係都係主玩遊擊同掩體
正面搏殺都係應該交返比拳機
跟住再講下佢既技能喇~
00Q係有雙專技既@@
技能一 Trans-Am（OO Qan[T]）
體力50%以下時，機體的移動速度,速度、機動力、推進時間增加
可以見到係強化00Q既機動性,同埋加強00Q既遊擊能力
只要合理控氣其實吾係太怕拳機
不過大家要留意一樣野,就係佢回氣時間都係一樣既
只係條氣長左飛快左飛遠左,
所以建議大家留返5分1氣應急之用,吾好下下用到盡
機動性速度既增加,令到00Q可以更易用GN劍爆裂模式扑到人:)
而且走位亦到方便好多,容錯性比較大~
技能2 純粹種變革者（OO Qan[T]）
體力40%以下時，特定狀況下被擊中時傷害無效化、索敵距離上昇、雷達上顯示所有敵機、隱形機體顯示。
※在使用打擊武裝（包括GN Sword Bit) 攻擊時不會發動量子化技能。
其實鎖敵上升作用吾算太大
一來你部機體原來既鎖敵距離已經有3800
你再上升,你既武裝根本都打吾到
二來雷達已經顯示左敵軍
甘你就吾洗靠LOCK去預判人地係邊..
不過好過無- -..
至於雷達其實幾時都甘有用,算係吾錯
至於攻擊無效化既代價就係你既SP會倒扣
100%滿既SP可以承受到2次攻擊
但係要留意既係,如果你開緊槍,放緊浮遊劍,你係吾會量子化到
所以大家要小心,好多時人地同你1槍換1槍你會蝕,因為你發揮吾到量子化
加上你又已經40%血以下
其實00Q都幾靠呢個技能,無左呢個技能真係吾特別
因為呢個技能令到容錯率更高,就算你行錯位都未必會陷入萬劫不伏
你可以依靠量子化掉轉頭走都吾洗驚比人會心
不過大家要小心大技,因為40%血中一般S機大技係死硬- -
但係量子化緊就吾洗怕人地大中你
好多時見到人地開緊地圖炮打00Q
但係隊友射一下,00Q量子左就走到
總體黎講量子化算係吾錯,但係我又覺得未去到要禁
好似比人講到天上有地下無,神化左甘
其實綜合技能同武裝黎睇
00Q好岩打遊擊戰,而且都岩新手用,因為量子化既關係容錯率比較高
甘但係就吾建議亂甘沖
話晒剪機,主玩射擊
有得偷雞就偷雞,吾係以為自己基拉馬沙上身
如果吾係一樣都會死
同埋佢既技能都係50%血以下先開,要留意其他人既大技
因為00Q比較難有SP去反必,所以要多加留意
跟住講下配點方法
我個人建議12攻或者12血
而我暫時就係採用12血既玩法
見下圖:)
因為12血就算你半血食必都吾會死XD
再者佢武裝系數已經比較高,就算吾加攻都夠用
12血絕對可以防必喇@@
而12攻既打法,就係可以好快速甘儲到SP去開量子
R後支槍射一下都可以儲到半格了
只係睇你既玩法係想自己爽下,望住人地倒水甘扣定係穩陣D
而加速加敏加必既點法都吾建議
因為佢既速敏配上技能都夠用了
吾需要加
而且00Q主打量子化技能都吾會玩大技,加必絕對係無必要~
至於加防,其實點講好呢
姐係量子化果陣,當人地一野攻擊力5000,打落你度,你都係量子化左
人地一野攻擊力50,打落你度,你都係量子化左
姐係無論人地幾高攻打落你度都量子,
與其加防,不如加攻快D儲SP
再吾係加血防SP
加防作用有限,吾係話完全無用,但係相對黎講我會偏向加攻/血
至於技能卡,我個人會推薦大家用底力爆發或者V苗
因為底力可以確保大家一直有穩定輸出
至於V苗就吾洗多講于5信大家都好清楚佢既作用
不過其實去到實戰,好多時用左兩下量子,SP都會跌到2格以下
V苗就會失效
相反底爆係1格SP就用到,其實都各有優劣
至於新人類都可以既...
進一步強化佢既速敏飛更耐
不過對比起上黎都係底力同V苗比較好
至於格鬥卡,必覺,精狙就絕對吾建議
一黎00Q吾係主玩格,二黎又吾開必,3更加無狙擊武器
不過如果大家威左追求特別,都可以插黎扮下野既XD
講左甘多,我都覺得差吾到尾嫁喇
我再講下打法同埋定位
其實SD玩左甘耐,都係講求拳打剪,剪打包,包打拳
甘身為剪既00Q,當然係應該針包喇:)
佢高系數既武裝,打落包機度絕對係大大力!
不過有時遇到防剪既包,例如S智天,SR沙煞比
我會建議大家吾洗留手,狠狠甘埋去扑爆佢!
或者用左浮遊劍先,跟住用R前1武去捉
而對住D有特殊格鬥手段,例如熾天,GP03D呀,
可以吾洗埋佢身,以你既技能同埋6圍佢地係吾會追到你,所以吾洗驚
其實00Q吾係話特別怕拳
但係就怕D有浮遊炮同埋I力場既機
畢竟我上文有提過,即使50攻擊力,只要打了你一下,你就會進入量子化
好多時浮遊炮機可以一粒一粒甘放落你度消你量子
甘就唯有速戰速決
拖落去你始終無著數
至於I力場既機體
好多時係大機,大機多數又有反格
吾岩你埋身去打佢,甘你唯一有效既輸出手段得返浮遊劍
甘由於家陣仲未改強,所以所扣既血量真係...好少下..
所以都比較難打,唯有交比隊友
當然,有時可以偷雞,
比佢打到量子>沖埋去扑佢一下>你扑完甘佢打到你量子>你走佬
跟住龜射浮遊劍到SP滿再沖去扑
都不失為一個好辦法
係呢度要講一講量子化既一個小技巧
有時可以特登愎慢行埋去等人地打到你量子
跟住你再借量子化既果段時間飛埋去,睇定晒再扑落去!
吾係好多時盲目甘沖甘射,人地甘岩就係你攻擊果野射中你
搞到你連量子化都發動吾到就送左命甘樣真係吾係甘好
其實總括黎講00Q係比較全面既機
防又得攻又得,唯一缺點係對I力場既機輸出手段有限
最緊要係R前R後既切換
吾可以玩死一個MODE
其實00Q真係易學難精
不過因為有量子化既關係好岩新手玩
容錯率大大提升,又有超視武器,氣又吾算短
走位黎講吾好犯大錯都無事
就算大錯都有量子化幫你頂住XD
最主要留心人地既全彈必
只要避開到必基本上人地都好難單殺你
除非你第一命比人地拳機捉住格全套,SP都未儲到就比人秒左成條血-_-
好喇..黎到呢度呢篇機評都接近尾聲
可能會有小小修訂同埋改下字既顏色呀各樣
總體黎講大致完成,可能遲下會美化小小
遲下會補上實戰影片1條:)
希望大家支持下!!
歡迎大家指出我既不足
當然搵到錯字可以同我講返我會改既
希望我既小小淺見可以幫到大家:)
令到大家更了解00Q
當然,小弟只係略懂皮毛,所以可能有好多錯處
大家可以提出討論,我都希望可以從中學習
爭取下次寫更好既機評!!
另外宣傳下我另一篇再生機評,大家都可以去望下:)
下面就係傳送點~
http://www.nakuz.com/bbs/viewthr ... 2637&extra=page%3D1
|
評分
-
查看全部評分
|
[複製鏈接]
發表於 18-8-2012 09:27:35
收藏
轉播
分享
淘帖
支持
反對
變色卡
發表於 18-8-2012 10:08:11
樓主