|
本帖最後由 ※暗雲之雷※ 於 14-2-2013 22:53 編輯
其實所謂既五年..通常都係以下
只係首年包人工包零件..
2-5年只係包人工..零件No way
當然好心既shop如果過左1年都會幫你跟一跟個零件本身over左保養未
不過如果d零件得1年保既話..就一定叫你買個(例如dvd-writer個d)
youtube 有片睇
果200$買自已鐘意既野好過
ken88623 發表於 14-2-2013 09:12
條片好多更正既地方..
1.底板銅柱只係上左7粒..而個塊asrock板一共10粒
另外..就算點樣唔跟傳統/教科書砌法..都唔應該未上cpu,cpu fan同ram就直接放底板落機箱(以呢隻箱黎講)
加上片中個塊並唔係平價既底板,係LGA2011..一共2011枝針既底板..只要有一針彎左或者斷左..7日內一定無得換..代理未必免費幫你整
如果將底板落左機箱再裝CPU..其實係增加左危險性..因為隻手可以郁動既位置會少左..
2.開LGA2011既蓋最簡單既方法唔係片中咁開..由2:04開始..其實只要將一隻手指向片中方向LGA2011左邊一按就已經可以將蓋彈起(唔需要用指甲挑起)
用指甲挑起..一手震就掃到D針
3.裝CPU FAN個陣..如果係新零件..CPU FAN既扣唔需要再轉..首先對角向下大力按..就已經扣實..片中教學係按左其中兩邊後再按另兩邊..係完全錯誤做法
原因係裝左兩邊後..另兩邊會難裝D..雖然宜家CPU FAN扣既設計比以前軟身左好多唔會爆..以前個D一係扣唔到..一大力就爆扣..(其實INTEL說明書有教)
4.唔應該咁早裝DISPLAY CARD..如果遇上D長而大張既DISPLAY CARD..會導致其後步驟中插線困難..一般DISPLAY CARD可以最後先裝(如有需要請保留火牛電源線如6PIN)
5.片中尾段..應該將火牛20+4PIN先合埋再將去插落底板..插左20PIN落底板再落4PIN..係難上好多同埋未必上得實個4PIN
不過都好欣賞片主既心機
亦都好多謝呢位會員既轉貼~ |
|